Piero Marras - Domos de Pedra

DOMOS DE PEDRA
(P. Pillonca - Pieromarras)

Sos ojos de Frantzisca

Maduros e lughentes

Sun che funtana frisca

In sas dies caentes


Zosepe diat cherrer

Torrare a pitzinnia

Su petus a oferrer

A bentos e traschia

Brincat sa ballarina

Cun sos pes in s’aèra

Che una calarina

A su ‘entu lizera


Ballat cun Frantzischedda

Tiu Zosepe Ispanta:

issa est una pisedda

e issu in sos ottanta.



Sa luna cun ojos de prata

Aundat sas domos de pedra.



Atzara, calamida

De totu sos pintores

Tra sas biddas nodida

Pro déchidos fiores.



Atzara, sorre bella

De sos malassortados

Lùghida che istella

In chelos annuados.

Sa luna cun ojos de prata

Aundat sas domos de pedra.