Piero Marras - Durusia

DURUSIA
(Piero Marras)

Caminande, caminande in s'istradone
pro arribare a Biddamanna
in sa bertula cocone,
casu martzu e binikeddu 'e Buddusò,
amus bidu ti lu juro,
cuba cuba mes'imbriacos dae su sole,
tres sirbones chi cantaban a tenores
"birimbai birambimbò".

Caminande, caminande in s'istradone
pro arribare a Biddamanna
deo kin babbu, mama, jaiu
e cussu maccu de compare meu Bobò;
amus bidus tre corroncas,
nigheddas ballente a ballu tundu
(tottu curpa de su binu
bikeddu binikeddu 'e Buddusò).

Duru duru durusia................

Caminande, caminande in s'istradone
pro arribare a Biddamanna
amus bidu su poeta mannu Mannu
bokidande non ajò
es' tirende bentu nou, come zente
es' prezisu bentulare
(tottu curpa de su binu
bikeddu binikeddu 'e Buddusò).

Duru duru durusia................

Caminande, caminande in s'istradone
pro arribare a Biddamanna
deo kin babbu, mama, jaiu
e cussu maccu de compare meu Bobò;
amus bidu, in cust'isula de prantu,
ispuntande s'isperanzia
(tottu curpa de su binu
bikeddu binikeddu 'e Buddusò).

Duru duru durusia................